Ресей мен Беларусь арасындағы қауіпсіздік кепілдіктері туралы шарт күшіне енді

АСТАНА. KAZINFORM — Келісімге қол қою рәсімі 13 наурызда президент Александр Лукашенконың Мәскеуге сапары кезінде өтті.

Құжат екі елдің, сондай-ақ жалпы Одақтың қауіпсіздігіне шабуыл жасалған жағдайда қажетті шараларды жүзеге асырудың өзара кепілдіктерін белгілейді.

Міндеттемелерді орындау қауіпсіздікке қол сұғудың алдын алу үшін тараптардың басқа мемлекеттермен және халықаралық құқықтың басқа субъектілерімен қарым-қатынасының әлеуетін пайдалануын, жасалған басқыншылық әрекеттерге ғана емес, сонымен бірге оларды жасау қаупіне де жауап қайтару шараларын қабылдауды, сондай-ақ қажетті әскери, әскери-техникалық және өзге де көмекті дереу көрсетуді шамалайды.

— Тараптар Одақтық мемлекеттің ортақ қорғаныс кеңістігі аясында Беларусь пен Ресейдің қауіпсіздігін нығайту мақсатында заманауи сын-қатерлерге тиімді әрекет ету үшін бірлескен күш-жігерді арттыруды жалғастырады, — делінген БелТА агенттігі келтірген мәлімдемеде.

Агенттік атап өткендей, келісімде көзделген ынтымақтастық терең сипатқа ие, ол қазіргі әскери-саяси сын-қатерлерге сәйкес келеді.

Бұған дейін хабарланғандай, Бейжіңде жұма күні Қытай, Иран және Ресей Сыртқы істер министрліктері өкілдерінің кездесуі басталды.