Ресейде ата-ана қамқорлығынсыз қалған 30 өзбекстандық бала еліне қайтарылады

ТАШКЕНТ. KAZINFORM — Шетелде ата-ана қамқорлығынсыз қалған өзбекстандық балаларды еліне қайтару үшін Ішкі істер және Денсаулық сақтау министрліктерінің қызметкерлерінен құралған жұмыс тобы Ресейге аттанды.

Бұл туралы Өзбекстан Республикасы Ұлттық әлеуметтік қорғау агенттігі хабарлайды.

Қазіргі уақытта Ұлттық әлеметтік қорғау агенттігі, ІІМ және консулдық мекемелері Мәскеу, Санкт-Петербург, Астрахань, Волгоград, Иркутск, Челябі, Владивосток және Ульяновск қалаларында, сондай-ақ Мәскеу, Владимир, Орёл, Смоленск, Владимир облыстарында ата-анасының қамқорлығынсыз қалған 30 баланың құжаттарын бірлесіп рәсімдеуде.

Кәмелетке толмағандардың тұрақты тіркеу орны бойынша «Адам» әлеуметтік қызмет көрсету орталықтары отбасылық ортаға жеткізіліп жатқан балаларды қайтару шараларын жүргізуде.

Жоспарға сәйкес:

23 кәмелетке толмаған бала ата-анасына қайтарылады;
5 бала туыстарының қамқорлығына беріледі;
2 бала баламалы орналастыру орындарына ауыстырылады.

Агенттіктің мәлімдеуінше, жыл басынан бері шетелде ата-анасының қамқорлығынсыз қалған 10 бала туған еліне қайтарылған.

Еске сала кетейік, Ресейде ата-ана қамқорлығынсыз қалған өзбекстандық балалар еліне оралды.