Ресейде сотталған ҚР азаматы жазасын өз елінде өтейтін болды

АСТАНА. ҚазАқпарат - Еңбекші аудандық сотында ҚР Бас прокуратурасының Ресей мемелекетінде сотталған Қазақстан азаматы Л.Р.-дың жазасын Қазақстанда өтеу жайлы ұсынысы бойынша қылмыстық іс қаралды, деп хабарлайды Жоғарғы соттың баспасөз қызметі.

Баспасөз мәліметтеріне қарағанда, Ресей Федерациясының Свердлов облысы, Талицкий аудандық соты 2014 жылдың 21 ақпанында сотталушы Л.Р.-ға ұйымдасқан топпен алдын-ала сөз байласып, өзгенің автокөлігін тонауға қатысқаны үшін 2 жылға, сондай-ақ оған ұрлық жасап, адамның өміріне зиян келмейтін күш қолданғаны үшін 3 жылға бас бостандығынан айыру жазасын тағайындаған.

Сотталушы Л.Р. жазасының қалған бөлігін Қазақстанда өтеу туралы ҚР Бас прокуратурасына арызданған.

Сот, Халықаралық шартың 602-бабының талабын басшылыққа алып, сотталушы Л.Р.-дің жазасының қалған бөлігін Қазақстанда өтеуі жөнінде қаулы шығарып, ҚР Бас прокуратурасының ұсынысын қанағаттандырды.