Рим Папасы Францисктің жағдайы ауыр

АСТАНА.KAZINFORM — Ватикан дүйсенбі күні Рим Папасы Францисктің жағдайы ауыр екенін және ерте бүйрек жетіспеушілігі анықталғанын хабарлады. 88 жастағы понтифик басқа да асқынуларға ұласқан пневмониямен күресіп жатыр, деп жазады Euronews.

Ватикан мәлімдемесінде Францисктің сенбі күнгі кештен бері тыныс алу жолдарында алаңдайтындай қауіп болмағанымен, әлі де көп мөлшерде оттегін қабылдап жатқаны айтылған.

Дәрігерлер ақпан айының ортасында ауырып қалған понтификтің емделу жолын бірнеше рет өзгерткен. Тек өткен аптаның соңынан бері ғана оң өзгеріс байқалған. Алайда қауіп әлі жойылған жоқ. Ең бастысы, дәрігерлердің айтуынша, сепсис, пневмониядан кейінгі асқыну ретінде пайда болуы мүмкін ауыр қан инфекциясы. Оның алдын алу — бүгінгі күннің бірінші міндеті.

Аргентинадан Римдегі мектеп оқушыларына дейін понтификтің амандығын тілейді.

Бұған дейін хабарланғандай, Рим Папасы Францискке екі жақты пневмония диагнозы қойылған болатын. 

Әлем католиктері Рим Папасы Франциск үшін дұға етіп жатыр.