Рината Сұлтанова тас жолдағы велоспорттан Азия чемпионатында алтын медаль жеңіп алды

АСТАНА. KAZINFORM - Тас жолдағы велоспорттан Қазақстан құрамасының өкілі Рината Сұлтанова Сауд Арабиясының Әл-Қассим қаласында өтіп жатқан Азия чемпионатында жеңімпаз атанды.

Бұл туралы Ұлттық олимпиадалық комитет ресми сайтында мәлім етті.

Отандасымыз 20 шақырымдық жекелей сайыста топ жарды.

Екінші орынды Гонконг өкілі И Уин Леунг иеленсе, қола жүлде Қытай спортшысы Хао Чжанға бұйырды.

Азия чемпионаты 12 ақпанға дейін жалғасады.

Осыған дейін Алматыда 2029 жылғы қысқы Азия ойындары өтетіні туралы жаздық.