Рио-2016: Букмекерлер Дычко-Джойс сайысындағы жеңіске үміткерді атады

АСТАНА. ҚазАқпарат - Риодағы олимпиадалық турнирдің 91 келіден астам салмақ санатындағы жартылай финал сайысында, әлемдік букмекерлердің деректеріне сәйкес, Бакудегі 2015 жылғы Еуропалық ойындар чемпионы, ағылшын боксшысы, Дохадағы және Минскідегі әлем чемпионаттарының қола жүлдегері Джозеф Джойс мен қазақстандық Иван Дычко жекпе-жекке шығады. Барлық болжамдарға қарамастан қазақстандықтың жеңіске барлық мүмкіндігі бар.

Ағылшындықтың жеңісіне коэффициент 1,27, Иван Дычкода - 3,5-ті құрайды.

Иван Дычко Джойстан 5 жас кіші екенін атап өткен жөн, барлық болжамдарға қарамастан оның жеңуге барлық  мүмкіндіктері бар.

Бұдан басқа қазақстандықта Олимпиадалық ойындарға қатысу тәжірибесі мол.

Иван Дычко бокспен 15 жылдан бері айналысып келеді. 19 жасында Қазақстан чемпионы болды, 2009, 2010, 2011 жылдары өзінің чемпиондық титулдарын үш рет растады. Ол сондай-ақ әлем чемпионаттарының (2011, 2013, 2015), Азиялық ойындар чемпионаттарының үш дүркін жүлдегері, Лондондағы 2012-Олимпиаданың қола жүлдегері.

Олимпиадалық турнирдің 18/ финалында оған рингтегі бұрынғы қарсыласы, Әзербайжандық боксшы, 2011 және 2013 жылдардағы екі дүркін әлем чемпионы Магомедрасул Меджидов қарсы тұрды. Ол 3 жыл бұрын 2013 жылы Алматыдағы әлем чемпионатында финалда қазақстандық Иван  Дычконы нокаутқа жіберіп, турнирдің алтын жүлдегері атанған.

Дычко үшін бұл айқас қарымта қайтару болды, ол әзербайжандықты мерзімінен бұрын техникалық нокаутқа жіберді.

¼ финалда Дычко африкалық ойындар чемпионатында нигериялық Эфе Аджагбаны 3.0 есебімен сенімді түрде ұтты.