«Rixos Khan Shatyr Residences» тұрғын үй кешеніндегі өрт: шығын бюджет есебінен өтелмейді

өрт
Фото: Жеңіс Қасымбек/Facebook

АСТАНА. KAZINFORM - 22 маусым күні «Rixos Khan Shatyr Residences» тұрғын үй кешенінен өрт шыққан болатын.

Астана қаласы әкімдігі әкімдік құрған комиссия ұйымдастыру мәселелерімен айналысатынын мәлімдеді. Өрттен зақым келген пәтерлер мен қасбетті жөндеу шығыны бюджет есебінен өтелмейді.

Комиссия ғимаратты ары қарай пайдалану бойынша техникалық мәселелерді қарайды. Аталған үйде өрт болғанын ескерсек, бұл – төтенше жағдай, қала әкімдігі ұйымдастырушылық мәселелер бойынша көмек көрсетеді.

Айта кетсек, кеше Астанада көпқабатты тұрғын үйдің 26-қабатынан өрт шықты.

Өртенген үйден 8 адам көшіріліп, арнайы штаб құрылды.

Сондай-ақ, агенттік тілшісі оқиға орнынан репортаж жасаған болатын.

Астана әкімі кешегі өртенген үйді жөндеп береміз деп уәде етті.

Соңғы жаңалықтар