Рубио Лавровпен телефон арқылы сөйлесті
АСТАНА. KAZINFORM — АҚШ Мемлекеттік департаментінің мәліметінше, Рубио мен Лавров әңгімелесу барысында Сауд Арабиясында өткен соңғы кездесулерден кейінгі алдағы қадамдарды талқылап, АҚШ пен Ресей арасындағы байланысты қалпына келтіру бойынша жұмысты жалғастыруға келіскен. Бұл туралы Kazinform ВВС-ге сілтеме жасап хабарлайды.
Сондай-ақ Вашингтон Мәскеуге «Иран қолдаған хуситтерге қарсы ұстау» операциясы туралы хабарлады.
Бұған жауап ретінде Сергей Лавров «Барлық тараптың күш қолдануын дереу тоқтату қажеттігін, олардың саяси диалогқа түсуінің маңыздылығын» атап өтті». Бұл туралы Ресей Сыртқы істер министрлігінің ресми мәлімдемесінде хабарланды.
Сонымен қатар олар әңгіменің америкалық тараптың бастамасымен өткенін баса айтты.
Еске сала кетейік, бұған дейін Трамптың АҚШ әскеріне йемендік көтерілісші хуситтерге қарсы әрекетті бастауды тапсырғанын хабарлаған едік.
