Садақ атудан Азия кубогында Қазақстан қоржынына екі қола медаль түсті

АСТАНА. KAZINFORM – Қытайлық Тайпейде өтіп жатқан садақ атудан жасөспірімдер арасындағы Азия біріншілігінде қазақстандық спортшылар екі медаль еншіледі. 

Ұлттық олимпиадалық комитеттің мәліметінше, аралас жұптық сында Андрей Тютюн мен Ольга Неживых қола медаль жеңіп алған. Сондай-ақ жасөспірім қыздар арасындағы командалық жарыста Ольга Неживых, Анастасия Ершова мен Камилла Ғазизова үздік үштікке енді. 

Азия біріншілігі әлі жалғасып жатыр. 

Еске салсақ, бұған дейін стенд атудан Азия кубогында Қазақстан командасы 5 алтын медаль жеңіп алғанын жазған едік.