Садыр Жапаров жұмыс сапарымен Ресейге барады
АСТАНА. KAZINFORM - Қырғызстан президенті Садыр Жапаров Ресей Федерациясының президенті Владимир Путиннің шақыруымен 20-21 ақпанда Ресей Федерациясына жұмыс сапарымен барады. Бұл туралы Қырғыз Республикасы Президенті Әкімшілігінің сыртқы саясат бөлімінің меңгерушісі Мұратбек Азымбакиев мәлім етті, деп хабарлады Кабар агенттігі.
Садыр Жапаров Қазан қаласында өтетін «Future Games» мультиспорттық халықаралық турнирінің ресми ашылу салтанатына қатысады.
Іс-шарада 21 инновациялық тәртіп бойынша әртүрлі елдерден 260-тан астам командалар мен 2000-ға жуық спортшы мен киберспортшының қатысуымен дене спорты, компьютерлік (киберспорт) спорт форматындағы спорттық жарыстар кешені өтеді.
Оған бірқатар шетелдік мемлекет басшылары, көрнекті халықаралық және қоғам қайраткерлері, ірі IT-компаниялардың басшылары қатысады.
- Шара аясында Садыр Жапаров Ресей президенті Владимир Путин және Татарстан басшысы Рустам Миннихановпен екіжақты кездесулер өткізеді.
Кездесулер барысында тараптар қырғыз-ресей ынтымақтастығының өзекті мәселелерін, оның ішінде сауда-экономикалық, мәдени-гуманитарлық және инвестициялық салалардағы мәселелерді талқылайды, - деп атап өтті Мұратбек Азымбакиев.
