Былтыр «Самұрық-Қазына» АҚ қанша табыс тапты
АСТАНА. KAZINFORM – 2023 жылдың қорытындысы бойына «Самұрық-Қазына» акционерлік қоғамы 1,9 трлн теңге таза табыс тапты деп күтілуде. Бұл болжамды холдингтің басқарма төрағасы Нұрлан Жақыпов мәлім етті.
Өткен жылдың қорытындысын баяндаған басқарма төрағасы Нұрлан Жақыпов алдын ала мәліметтер бойынша, 2023 жылғы компанияның таза пайдасы 1,9 трлн теңге болады деп болжанып отыр.
«2022 жылы мұнайдың орташа бағасы барреліне 99 АҚШ долларын құраса, 2023 жылы 81 АҚШ долларын құрады, яғни шамамен 20% - ға төмендеді. Сонымен қатар, ішкі сұранысқа байланысты газ экспортының көлемі қысқарды. Ішкі нарықтағы газ бағасы экспорттық бағадан әлдеқайда төмен. Өткен жылғы таза пайдаға 2022 жылмен салыстырғанда өтімділік пен қазынашылық портфельді тиімді басқарудың арқасында қол жеткізілді», - деді Нұрлан Жақыпов.
Одан бөлек, басқарма төрағасы холдинг ұлттық компанияларда бос ақшаны басқарудың бірыңғай саясатын қабылданғанын айтты.
Айта кетейік, бүгін Астанада «Самұрық-Қазына» акционерлік қоғамының кеңес отырысы өтті.
