Санчес Головкин мен Джейкобс қарымта кездесуінің қашан өтуі мүмкін екенін айтты

АСТАНА. ҚазАқпарат - Геннадий Головкиннің жаттықтырушысы Абель Санчес боксшының алдағы жоспары мен Дэниэл Джейкобспен қарымта кездесуі өтуі ықтимал екенін айтты, деп хабарлайды Sports.kz.

«Біздің алдағы жоспарларымыз жасалып қойды. Егер реванш өтетін болса, мүмкін, 3-4 айқастан кейін шығар. Геннадий қыркүйекте біреумен жұдырықтасады. Егер ол Канело болса, ол онымен жекпе-жекке шығады, кейін өзінің чемпиондық титулын 20-рет қорғайды. 21-қорғауды өткізіп, Хопкинстің рекордын жаңарту үшін орта салмақта қала ма? Мен оны білмеймін. Онымен жұдырықтасқысы келетін тағы бір боксшы - Хильберто Рамирес, сондықтан екінші орта салмақта нұсқалар бар. Келесі үш немесе төрт айқас жоспарланды немесе болжамды түрде жоспарланды. Джейкобспен рематч 5-6 жекпе-жектен кейін өтуі ықтимал», - деді Санчес On The Ropes радиосына берген сұхбатында.