Санитарлық-эпидемиологиялық тексеруге жататын өнімдер мен нысандар тізімі жаңартылды
АСТАНА. KAZINFORM – Денсаулық сақтау министрлігі санитариялық-эпидемиология саласындағы мемлекеттік бақылауға және қадағалауға жататын өнімдер мен эпидемиялық маңызы бар объектілердің тізбесіне өзгерістер енгізді.
Ведомствоның 2025 жылғы 7 наурыздағы бұйрығына сәйкес, эпидемиялық маңызды өнімдерге құрылыс шикізаты мен гигиеналық нормалар нормативтік құқықтық актілердің талаптарымен көзделген материалдар кіреді.
Эпидемиялық маңызы бар объектілерге не жатады:
- ұйымдасқан топтардағы қоғамдық тамақтандыру және сауда объектілері (мектепке дейінгі тәрбие мен оқыту объектілері, балалар үйлері, балалар мен жасөспірімдерді оқыту мен тәрбиелеу объектілері, интернаттар, сауықтыру және санаториялық мекемелер, денсаулық сақтау объектілері, оңалту орталықтары, медициналық-әлеуметтік оңалту объектілері: пансионаттар, сауықтыру орталықтары, өнеркәсіптік-сауықтыру орталықтары, вахталық қызмет көрсету объектілері, өнеркәсіптік лагерьлер құрылысы);
- денсаулық сақтау мекемелері:
амбулаториялық-емханалық көмектің барлық кіші түрлерін көрсету, консультациялық-диагностикалық көмек көрсету;
- стационарлық және стационарды алмастыратын медициналық көмектің барлық кіші түрлерін көрсету;
- стоматологиялық қызмет көрсету;
- еңбекке уақытша жарамсыздық пен кәсіби жарамдылық сараптамасын қамтамасыз ететін денсаулық сақтау мекемелері;
- донорлық, қанды, оның компоненттерін дайындау және қан өнімдерін өндіру саласында қызметін жүзеге асыратын денсаулық сақтау ұйымдары және басқа да ұйымдар.
Сонымен қатар қоршаған ортаға және адам денсаулығына әсер ететін объектілердің санитарлық-қорғау аймақтарына қойылатын санитариялық-эпидемиологиялық талаптарына да өзгерістер енгізілді. Санитариялық қағидаларға сәйкес 1-2 қауіптілік кластарына жататын қызмет түрлері санитарлық-эпидемиологиялық тексеруге жатады. Оның ішінде:
- өнеркәсіптік мақсаттағы ғимараттар мен құрылыстарда орналасқан радиорелейлік станцияларды және таратқыш радиотехникалық объектілерді қоспағанда, стационарлық тарататын радиотехникалық объектілер (байланыс, радиобайланыс, радиохабар тарату, теледидар, радиолокациялық және радиоқабылдау), радиожиілік диапазоны 30 килогерцтен (кГц) 300 гигагерцке (ГГц) дейін;
- елді мекендер мен одан тыс жерлерде, сондай-ақ жылжымалы объектілерде орналасқан құрлықтағы жылжымалы радиобайланыс, теңіз, өзен және әуедегі жылжымалы радиобайланыс.
Одан бөлек зертханалар да жатады:
- патогендік I-IV топтағы патогенді биологиялық агенттермен жұмыс істеу;
- Заңның бірінші санаттағы рұқсаттар (лицензиялар) тізбесінің 15-тармағында көзделген кіші түрлер бойынша зертханалық диагностиканы жүргізу.
Бұйрық 2025 жылғы 24 наурызда күшіне енеді және бұйрық жобасымен толығырақ сілтемеге өтіп танысуға болады.
Айта кетсек, наурыздың басында білім беру және денсаулық сақтау ұйымдарында тамақтанудың стандарттары өзгертілген еді.
