Санкт-Петербургте бөлінген мұз үстінде кеткен 35 балықшы құтқарылды

АСТАНА. KAZINFORM - Санкт-Петербургтегі фин шығанағында ТЖМ қызметкерлері бөлініп кеткен мұз үстінде кеткен 35 балықшыны құтқарып алды, зардап шеккендер жоқ, деп хабарлады ТАСС.

—Оқиға Санкт-Петербургте, фин шығанағындағында болды. Балықшылар жүрген мұздың бір бөлігі бөлініп, жүзе жөнелген. Екі әуе кемесімен келген құтқарушылар оларды аман алып қалды. Ешкім зардап шеккен жоқ, - делінген хабарламада.

Төтенше жағдайлар министрлігі мұз опырылған жағдайда жедел қызметтерді шақыру қажет екенін атап өтті.