Сарапшы аяз бен қалың қардың күздік дақылдарға әсерін бағалады

АСТАНА. KAZINFORM – Ресейдің бірқатар өңірінде қатты аяз бен қалың қар жамылғысы күздік дақылдардың 5,9%-ға дейін жойылуына әкелуі мүмкін, деп хабарлайды ТАСС.

Бұл болжамды Алтай өлкесінің Белокуриха қаласында өткен Қысқы астық конференциясында «Прозерно» компаниясының директоры Владимир Петриченко айтты.

– Егілген күздік дақылдардың жалпы көлемі шамамен 17,9 млн гектарды құрайды. Соның шамамен 5,9%-ы жойылуы мүмкін, – деді ол.

Сарапшының айтуынша, қыстың басы күздік дақылдар үшін қолайлы болған. Алайда кейін Ростов облысы, Қалмақ Республикасы, Саратов облысы, Алтай өлкесі және Волгоград облысында қатты аяз салдарынан топырақ түптену кезеңіндегі нүктеге дейін минус 10 градусқа дейін қатқан.

Сонымен қатар Жоғарғы және Орта Еділ бойында, сондай-ақ Ресейдің орталық аймақтарының бір бөлігінде қардың қалың түсуі салдарынан егістіктің бір бөлігі тұншығып, үсіп кету жағдайлары тіркелген.

– Егер түптену нүктесіндегі минус 10 градус кей жағдайда дақылдарға аса қатты әсер етпеуі мүмкін болса, қалың қар салдарынан тұншығу егістіктің толық жойылуына әкелуі ықтимал, – деді Владимир Петриченко.

Айта кетейік, Қысқы астық конференциясы 25-27 ақпан аралығында Алтай өлкесінің Белокуриха курортты қаласында өтті.

Іс-шара Ресейдің астық саласындағы кәсіпорындарды дамыту стратегияларын қалыптастыруға, тиімді басқарушылық шешімдер қабылдауға және нарықтағы өзекті ақпарат алмасуға бағытталған.

Айта кетейік, Қазақстан мен Ресей күнделікті су деңгейі туралы ақпарат алмасып отырады.