Сарапшы: Сирияаралық жанжалды реттеуге қатысатын мемлекеттер артқан сайын қиындай түседі
«Бұл кездесудің сирияаралық келіссөздерге нақты қатысушылардың қатысы жоқтығына назар аудару қажет. Яғни, сириялықтар сириялықтармен кездесіп жатқан жоқ. Бұлар кепілгер және сарапшы деп аталатын елдер, сыртқы ойыншылар. Бұл ретте олар Ресей, Түркия, Иран және көршілес Иордания сарапшылары қосылғанын айтуда. Ең алдымен техникалық кездесу қатысушылардың құрамы, саны, логистикалық мүмкіншілігі сынды параметрлерді келісуді болжайды. Демек, бірқатар мәселе шешілмейінше келіссөздердің табысты болуы мүмкін емес дегенді білдіреді. Сондықтан ақпан айының екінші жартысында өтуі болжанып отырған Женевадағы кездесу қарсаңында бұл мәселелердің барлығы шешілуі тиіс», - деді сарапшы.
Сонымен қатар ол бұл келіссөздерге қатысатын елдердің қатары ұлғайған сайын ортақ ымыраға келу де қиындай түсетіндігін баса айтты.
«Егер үш мемлекет ортақ уағдаластыққа келе алмаса, төртеуіне ымыраға келу қиындық туындатады. Ал бесеуіне тіпті қиынға соғады. Яғни, ойыншылар саны арта түскен сайын келіссөздер процесі қиындай түседі. Дегенмен, екінші жағынан алып қарағанда, келіссөзге қатысушылар Сауд Арабиясы, Катар, АҚШ, Еуропалық одақ сынды сыртқы ойыншылардың қатысуына есік ашық екендігін мәлімдеген болатын», - деді Көшкінбаев.