Сарыағашта 1 млн теңге бопсалаған блогер ұсталды

ТҮРКІСТАН. KAZINFORM — Түркістан облысында 1 млн теңге бопсалаған блогер қолға түсті. Бұл туралы Polisia.kz жазды. 

Сарыағашта 1 млн теңге бопсалаған блогер ұсталды
Фото: Павлодар облысы полиция департаменті

— Тергеу мәліметтері бойынша, Сарыағаш ауданының 34 жастағы тұрғыны мектептерде білім беру жобасын жүзеге асыруға кедергі келтіремін деп қорқытып, ұйымдастырушылардан 1 млн теңге талап еткен. Тексеру кезінде ұсталған адамнан қаражат аударылған сомасы бар банк картасы мен журналистің қызметтік куәлігі табылды, — делінген хабарламада. 

Күдікті өңірде блогер ретінде танымал, әлеуметтік медиа парақтарын белсенді жүргізеді.

Бопсалау фактісі бойынша қылмыстық іс қозғалды, тергеу амалдары жүргізіліп жатыр.

Айта кетелік, бұған дейін боди массажды желеу етіп 2 миллиард теңге табыс тапқан Астана тұрғыны ұсталды

Соңғы жаңалықтар