Сауд Арабиясына жасалған соққыдан екі адам қаза болып, 12-сі жарақат алды

АСТАНА. KAZINFORM – Сауд Арабиясында тұрғын үйге түскен снаряд салдарынан екі адам өліп, 12 адам жарақат алды, деп хабарлайды Анадолы.

Сауд Арабиясының ресми ақпарат агенттігінің елдің Азаматтық қорғаныс қызметіне сілтеме жасап хабарлауынша, соққы Эль-Хардж провинциясының орталық бөлігіндегі тұрғын үй кешеніне тиген.

Мерт болғандар Үндістан мен Бангаладеш тұрғындары болып шықты.

Мәлімдемеде тұрғын үйлер орналасқан аудандарға жасалған соққылар халықаралық гуманитарлық құқыққа қарсы екені айтылған.

Оқ-дәрінің түрі туралы ешқандай ақпарат жоқ.

Осыған дейін Иранның Парсы шығанағындағы АҚШ-тың әскери нысандарына шабуыл жасағаны туралы жаздық.