Сауд Арабиясында әуежайларға жасалған шабуылдардан үш адам опат болды
АСТАНА. KAZINFORM — Хуситтер мен Йеменнің халықаралық қоғамдастық мойындаған үкіметін қолдайтын Сауд Арабиясы бастаған коалиция арасындағы қақтығыс ушығып барады, деп хабарлайды Kazinform Anadolu агенттігіне сілтеме жасап.
7 қазан күні Сауд Арабиясының Азаматтық авиация бас басқармасы (GACA) екі әуежайға жасалған шабуылдардан үш адам қаза тауып, 36 адам жараланғанын мәлімдеген.
GACA дерегіне сүйенсек, сейсенбі және сәрсенбі күндері Әр-Риядтағы Абха халықаралық әуежайы мен Король Халид атындағы халықаралық әуежайға екі шабуыл жасалған, төтенше жағдайлар қызметі мен тиісті органдар екі оқиғаға да жауап берді. Агенттіктің хабарлауынша, Абха халықаралық әуежайына жасалған шабуылда Сауд Арабиясының екі тұрғыны опат болды, оның бірі марокколық, екіншісі Алжирден келген, тағы 28 адам жараланды.
Жарақат алғандардың арасында екі Сауд Арабиясы азаматы, сондай-ақ Бангладеш пен Филиппин азаматтары бар.
Агенттіктің хабарлауынша, Король Халид халықаралық әуежайында Судан азаматы мерт болып, сегіз адам жарақат алды, оның ішінде бес Сауд Арабиясы азаматы, екі Мысыр және бір Пәкістан азаматы бар.
Жарақат алғандардың барлығы дереу ауруханаларға жеткізіліп, медициналық көмек алып жатыр.
Билік өкілдері залалды бағалап, жолаушылар мен әуежай қызметкерлерінің қауіпсіздігін қамтамасыз ету бойынша жұмыс істеп жатыр.
Йемендік хуситтер екі әуежайға да шабуыл жасағанын мәлімдеді. Хуситтердің әскери өкілі Яхья Сари топ Әр-Риядтағы Король Халид әуежайына дрондармен, ал Абха әуежайына баллистикалық зымырандар және дрондармен шабуылдағанын мәлімдеді.
2015 жылдың наурыз айынан бастап Сауд Арабиясы хуситтерге қарсы күресте Йемен үкіметін қолдайтын әскери коалицияны басқарып келеді.
Бұған дейін хуситтер Сауд Арабиясы Йемен астанасына 26 әуе соққысын жасағанын мәлімдеді.
Йеменде қақтығыс өршігелі бері 1000-ға жуық адам қаза тапты.
