Сауд Арабиясында Украина мен АҚШ келіссөзі басталды

АСТАНА. KAZINFORM — Украинаның Қорғаныс министрі Рүстем Умеров Х әлеуметтік желісінде Сауд Арабиясында АҚШ-тың делегациясымен келіссөздер басталғанын мәлім етті. 

США и Украина
Фото: aa.com.tr

— Біз Эр-Риядта америкалық командамен кездесуді бастадық. Біз Украина президентінің әділ жолмен бейбітшілікке жақындау және қауіпсіздікті нығайту жөніндегі директивасын іске асырамыз. Күн тәртібінде энергетикалық нысандар мен инфрақұрылымды қорғау бойынша ұсыныстар қаралады. Бүгін біз бірқатар күрделі техникалық мәселелерді пысықтап жатырмыз — біздің делегация құрамына энергетика сарапшылары, сондай-ақ әскери-теңіз және әскери-әуе күштерінің өкілдері кіреді, — деп жазды Рүстем Умеров.

Айта кетейік, АҚШ президенті Дональд Трамп Ресей президенті Владимир Путин және Украина президенті Владимир Зеленскиймен байланыстарының нәтижесінде Украина бойынша болашақ келісімнің алғашқы бағдары айқындала басталғанын мәлімдеді.

Бұған дейін Францияда Украинаға қатысты саммит 27 наурызда өтетіні хабарланған еді.



Соңғы жаңалықтар