Сценаристердің ереуілі Голливуд экономикасын күйретіп жатыр

ЛОС-АНДЖЕЛЕС. ҚазАқпарат – Жүздеген кино маманы шеруге шығып, Голливудтың басты студияларының алдынан жүріп өтті. Сәрсенбі күні жазушылар мен сценаристердің ереуілі басталғанына 100 күн толды, деп хабарлайды ҚазАқпарат euronews.com-ға сілтеме жасап.

«Біз осы жерде қаламыз. Студиялар қанша табыс табатынын айтуды және төлеуді тоқтатуы керек», - дейді AFPTV сценарисі Айрин Тернер.

Актерлер Уильям Голдман мен Дэн Гарза үшін ереуілдің ең қорқынышты тұсы – оның Лос-Анджелес қаласына әсері.

«Көптеген мекеме осы салаға қарап тұр, сол себепті кино мен телевизия ғана емес, оларға байланыстының бәрі жабылып жатыр», - дейді Голдман.

Кино мен телевизия сценаристерінің кәсіподағы SAG-AFTRA мамырда киностудиялармен келіссөздер сәтсіздікке өткенін мәлімдеді. 160 мың әртісті біріктіретін американың актерлер гильдиясы сценаристер ереуіліне қосылды. Ереуілді қолдайтыны туралы Голливуд жұлдызы Мэтт Деймон да мәлімдеді.