Семей қаласында заңсыз тасымалдаушылардың жолдары кесілетін болады

ӨСКЕМЕН. 6 сәуір. ҚазАқпарат - Семей қаласында бүгіннен бастап заңсыз тасымалдаушылар қызметтерінің жолын кесу бойынша рейдтер жүргізетін  арнайы комиссия құрылды.

Өңірдің жолаушылар көлігі және автомобиль жолдары басқармасының берген ақпаратына қарағанда, қалааралық бағдарлардың барлығында дерлік көлеңкелі тасымалдаушылар бар. Өңірдің экономикалық және әлеуметтік тұрақтылығына келтіріліп отырған шығын орасан. 

Жұмыс тобының құрамына жол полициясының көліктік бақылау қызметінің және салық комитетінің өкілдері кірді.

Бұл бағыттағы жұмыстар өңір бойынша тұрақты жүргізіліп тұрады.