Семейде автожуу бекетіндегі өрт салдарынан екі адамды күйік шалды
АСТАНА. KAZINFORM — Семей қаласы Сосновая көшесінде газ-ауа қоспасы тұтанып, кейін газ тасымалдағыш көлік жарылған, деп хабарлайды ТЖМ баспасөз қызметі.
Ведомство мәліметінше, өрт бір қабатты автожуу ғимаратына және екі жеке тұрғын үйге тараған. Оқиға салдарынан екі адам күйік жарақаттарымен ауруханаға жеткізілді.
— Өртті сөндіруге ТЖМ, ПД, жедел медициналық жәрдем қызметі «Зеленострой» ЖШС-нің күштері мен құралдары жұмылдырылды. Барлығы 90-ға жуық адам және 30 техника жұмылдырылды. Өрт толығымен сөндірілді. Өрттің шығу себебі анықталып жатыр, — делінген хабарламада.
Бұдан бұрын Семейде автожуу бекеті өртеніп, газгольдер жарылғанын жазғанбыз.
