Семейдегі орман өрті негізінен түнде сөндірілуде – жедел штаб

АСТАНА.ҚазАқпарат – Семейдегі орман өртін ауыздықтауға қатты жел кедергі келтіріп тұр. Тілсіз жаумен күрес жұмыстары негізінен түнгі уақытта жүріп жатыр. Бұл туралы өңірде құрылған жедел штабтың жетекшісі Дмитрий Гариков мәлім етті, деп хабарлайды ҚазАқпарат тілшісі

«Желдің көтерілуінен жағдай қиындап барады. Қазір өрт Таврия ауылындағы Каштак орманшылығына қарай бет алды. Техниканың 65%-ы сонда жұмылдырылды. Ал Успен орманшылығында шағын өрт ошақтары шығып жатыр. Өртпен күрес негізінен түнде жүргізіліп жатыр. Сонымен қатар Жерновка ауылында ахуал өршіп тұр, себебі техниканы ауыл аумағына кіргізуде кедергі бар», - деді Дмитрий Гариков.

Оның айтуынша, өрт сөндірушілердің қазіргі міндеті – жалынды елдімекендер аумағына жібермеу.

«Тұрғындар әзірге үйлерінде, олар хабардар. Таврия елдімекені қауіпті аймақ ретінде қалып отыр, өйткені жел сонда бағыт алуда. Қазір облыс және қала әкімі Каштак орманшылығында», - дейді ол.

Сонымен қатар жедел штаб басшысы тілсіз жаудың салдарынан Бестапаев және Успен орманшылығының ірі көлемде зардап келгенін айтты.

«Мұндай ірі көлемде өрт көрген емеспін, алғашқы 22-нен кейін өрттен кейін біз өзімізді сенімдірек ұстаудамыз. Айтпақшы, азық-түлік жетпей жатыр деген жалған ақпарат. Тұрғындарға, волонтерлер мен жанашыр жандарға алғыс айтамыз. Жұмыс жалғасып жатыр», - дейді Д. Гариков.