12:15, 07 Мамыр 2025 | GMT +5
Семейліктер Астанадағы әскери шеруді тамашалап жатыр
СЕМЕЙ. KAZINFORM — Бүгін Астанадағы «Қазақ елі» алаңында Ұлы Жеңістің 80 жылдығына арналған Әскери парад өтіп жатыр, деп хабарлайды Абай облысының әкімдігі.
Семейліктер әскери шеруді тамашалау үшін облыс орталығындағы Арбатқа барды.
Ардагерлер, облыстық мәслихат депуттары, саяси партиялар, азаматтық қоғам өкілдері мен жастар алаңқайға қойылған LED-экранның қасына жиналды.
Айта кетейік, Елордадағы Әскери парадқа қатысуға Абай облысынан 16 адамнан құралған делегация аттанды. Оның ішінде тыл және еңбек ардагерлері бар.
