Семсерлесуден Грекиядағы әлем кубогының кезеңінде 4 қазақстандық бақ сынайды

АСТАНА. KAZINFORM – Грекияның Гераклион қаласында 7-9 наурыз аралығында саблямен семсерлесуден әлем кубогының кезекті кезеңі өтеді. 

Халықаралық бәсекеде еліміздің атынан 4 спортшы сынға түседі. 

Аталған додада Әйгерім Сарыбай, Карина Доспай, Анастасия Гулик және Диляра Исабекова жүлде алуға және рейтингілік ұпайын жақсарту үшін барын салады. 

Жекелей сайыстар 7-8 наурыз күндері өтсе, 9 наурызда командалық турнир ұйымдастырылады. 

Еске сала кетейік, бұған дейін Қазақстан жасөспірімдер құрамасы семсерлесуден Азия чемпионатында 3 медаль алғанын жазған едік.