Сенат алдағы отырыста Қазақстан мен Вьетнам арасында қосарланған салықты болдырмау туралы келісімді қарайды

АСТАНА. ҚазАқпарат - Бүгін Парламент Сенаты Қаржы және бюджет комитетінің кеңейтілген отырысы болып өтті. Онда комитет мүшелері «Қазақстан Республикасының Yкiметi мен Вьетнам Социалистік Республикасының Yкiметi арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімді ратификациялау туралы» заң жобасын талқылады.
None
None

Аталған келісімнің мақсаты - инвестициялар үшін қолайлы жағдайлар жасау жолымен Қазақстан мен Вьетнам арасындағы экономикалық ынтымақтастықты нығайту және кеңейту. Заң жобасы бойынша тараптар арасында қосарланған салық салуды болдырмау көзделеді. Яғни, салықтық резиденттер тек бір мемлекетте ғана төлейтін болады. Қаржы вице-министрі Ардақ Теңгебаевтың айтуынша, келісім уағдаласушы мемлекеттің резиденті болып табылатын заңды және жеке тұлғалардың табыстарына қосарланған салық салуды болдырмауды көздейді. Сондай-ақ бұл құжат екі мемлекеттің құзыретті органдары арасында салық мәселелері бойынша ақпарат алмасу арқылы салықтық жалтарудың алдын алуды шешеді. Айта кетерлігі, Қазақcтан мен Вьетнам арасындағы тауар айналымы 2013 жылы 233 млн. долларды құраған. Бұл ретте Қазақстан экспортының негізгі бағыттары - күкірт, әрлеу баптары мен цемент болып табылады. Импорт құрылымында машиналар, жабдықтар мен тоқыма бұйымдары секілді тауарлар басымдыққа ие болған. Заң жобасы палатаның алдағы жалпы отырысына шығарылады.

Соңғы жаңалықтар