Сенат Мергенованы Жоғарғы Сот судьясы қызметіне сайлады
«Мемлекет басшысы Сіздердің қарауларыңызға ҚР Жоғарғы Сот судьясы қвзметіне Гүлнар Жақсылыққызы Мергенованы сайлау туралы ұсыным енгізді. Алғашқы рет Жоғарғы Сот судьясы қызметіне кандидатты іріктеу конкурстық негізде жүзеге асырылды. Сенаттың қарауына ұсынылған кандидатура барлық қойылған талаптарға лайық. Гүлнар Мергенованың судьялық жұмыста тәжірибесі мол және кәсіби біліктілігінің деңгейі өте жоғары», - деді ҚР Президенті Әкімшілігі басшысының орынбасары Талғат Донақов.
Дауыс беру барысында сенаторлар ұсынылған кандидатураға қолдау білдірді.
Сайланған судья Сенат алдында өз міндеттемелерін адал және абыройлы атқаруға, сот төрелігін Қазақстан Республикасының Конституциясы мен заңдарына ғана бағына отырып жүзеге асыруға салтанатты түрде ант берді.