Сенат спикері Нобель қорларының өкілдерімен кездесті

АСТАНА. 23 мамыр. ҚазАқпарат - Бүгін Қазақстан Республикасы Парламенті Сенатының Төрағасы Қайрат Мәми Нобельдер мұрасы қорының және орнықты даму мақсатындағы Нобель қорының басшыларымен кездесті. Бұл туралы Сенаттың баспасөз қызметінен хабарланды.

Танымал Нобель кәсіпкерлері әулетінің өкілдері Қазақстанда жоспарланып отырған мұнайгаз және ғылыми-техникалық саладағы жобалар туралы әңгімеледі. Сонымен қатар, жүздесу барысында қордың ағарту қызметі туралы әңгіме өрбіді.