Сенатор А.Бижанов ҰҚШҰ ПА Кеңесінің отырысына қатысуда

АСТАНА. 8 қазан. ҚазАқпарат - Қазақстан Республикасы Парламенті Сенатының депутаты, Әлеуметтік-мәдени даму комитетінің төрағасы Ақан Бижанов Ұжымдық қауіпсіздік шарты ұйымы Парламенттік Ассамблеясының Бішкекте өтіп жатқан көшпелі отырысына қатысуда.

Күн тәртібіне сәйкес, шараға қатысушылар Ауғанстанның солтүстік-шығыс өлкесіндегі және ауған-тәжік шекарасындағы жағдайға байланысты аймақтағы қауіпсіздікті қамтамасыз ету мәселелерін талқылайды. Одан басқа, олар ҰҚШҰ Орталық Азия аймағындағы Ұжымдық жедел әрекет ету күштерінің әуе бөлігі болып табылатын «Қант» әуе базасына бару жоспарланып отыр.