Сербиядағы тәртіпсіздіктерден 70-тен астам адам жарақат алды
Белград пен Нови Сад қалаларында үкімет жақтастары қарсыластарына отшашулар атып, полиция көзден жас ағызатын газ қолдануға итермеледі.
Серб прогрессивті партиясының кеңсесіндегі тәртіпсіздіктер кезінде 70-тен астам адам, оның ішінде 16 полиция қызметкері жараланған.
Сербиядағы наразылықтар 2024 жылдың қарашасынан бері Нови-Сад қаласындағы жаңадан жөнделген теміржол вокзалында шатыр құлап, 16 адамның өмірін қиған соң жалғасып жатыр.
Қайғылы оқиғадан кейін құрылыс министрі Горан Весич отставкаға кетіп, кейін станцияны қалпына келтіруге қатысқан тағы 12 адаммен бірге ұсталды. Шерушілер қайғылы оқиғаға сыбайлас жемқорлықты, салғырттықты және құрылыс кезіндегі қауіпсіздік ережелерін ескермегенін айтып, биліктен жауап беруді талап етті.
Наразылық акциялары кезінде Сербия премьер-министрі Милош Вучевич отставкаға кетті.
Бұған дейін Сербия президенті Вучичтің келесі сайлауда кандидатурасын ұсынбайтынын жазған болатынбыз.
