Серік Жұманғарин Салық реформасын сынап жүргендердің артында кім тұрғанын айтты
АСТАНА. KAZINFORM — Премьер-министрдің орынбасары — Ұлттық экономика министрі Серік Жұманғарин Мәжіліс отырысынан кейін өткен баспасөз мәслихатында Салық реформасын жиі сынап жүргендердің артында кім тұрғанын айтты.
— Реформа әлі басталған жоқ. Салық кодексінің жобасы толық мақұлданғаннан кейін 2026 жылдың 1 қаңтарынан бастап күшіне енеді. Ал оның бизнеске әсерін 2026 наурыздың наурызында ғана көр бастаймыз. Ал қазір айтылып жүрген түрлі сыни пайымдардың, блогерлердің артында елдегі ахуал, жүйе өзгергеніне жан-тәнімен қарсы адамдар тұр. Оларға қазіргідей жүйеде өмір сүру қолайлы — салық төлемейді, шектен тыс табыс алады, ол табысын Қазақстан экономикасына салмайды. Түсінесіздер ме, — деді ол.
Серік Жұманғариннің сөзінше, бұл реформа халықтың салық туралы түсінігін өзгертеді.
— Біз бұл ахуалды өзгертеміз. Мәселе тіпті Салық реформасында ғана емес, менталитет пен санан өзгертуде. Шынын айтсақ, осы түсініктерді өзгертуге бел шешіп кірісуге дайынбыз. Салық төлеу керек, — деді вице-премьер.
Еске салсақ, Атамекен» ұлттық кәсіпкерлер палатасының төралқа төрағасы Райымбек Баталов қосылған құн салығын көтеруден түсетін кірістің Үкімет күткендей көлемде болмауы мүмкін екенін айтқан еді.
