Сейсенбіде ел аумағында жел күшейіп, дауыл тұрады

АСТАНА. KAZINFORM — Қазгидромет синоптиктері 27 тамыз, сейсенбіге арналған ауа райы болжамын жариялады. 

Солтүстік-батыс циклонының әсерінен Қазақстан аумағының көп бөлігінде ауа райының тұрақсыз сипаты сақталады.

Осылайша найзағай жарқылдап, жаңбыр жауады.

Тек батыста, оңтүстік-шығыста жауын-шашынсыз ауа райы күтіледі. 

Республика бойынша жел күшейіп, елдің солтүстігінде, шығысында — түнде және таңертең тұман, оңтүстігінде — шаңды дауыл соғады.

Әсіресе Қызылорда облысында қатты дауыл тұрады.

Елдің барлық дерлік өңірінде төтенше өрт қаупі бар.