Сейсмологтар Қытайдағы жер сілкінісін тіркеді
АСТАНА. KAZINFORM - Қазақстан Төтенше жағдайлар министрлігіне қарасты сейсмикалық стансалар желісі 10 сәуірде сағат 23:53-те жер сілкінісін тіркеді.
Сейсмологтардың мәліметінше, жер сілкінісінің ошағы Алматыдан оңтүстік-шығысқа қарай 487 шақырым жерде Қытай аумағында орналасқан – афтершок.
Жер сілкінісінің энергетикалық класы – 11,6. MPV Магнитудасы 5.3. Жер сілкінісінің координаттары – 41,71° с.б. 82,48° ш.б. Тереңдігі –10 км.
Қазақстан аумағында сезілуі (MSK-64 шкаласы бойынша) туралы ақпарат жоқ.
Бұған дейін Қытайда 10 сәуірде болған жер сілкінісі Алматы қаласында (2 балл), Алматы облысының Кеген және Райымбек аудандарында (3 балл) сезілгені хабарланған болатын.
