Шағалалы ауылында үйінді басып қалған жеті жасар бала мерт болды - Ақмола облысы

КӨКШЕТАУ. Маусымның 1-і. ҚазАқпарат /Жанмұрат Жанайдаров/ - Ақмола облыстық ішкі істер департаментінен алынған мәліметтер бойынша Зеренді ауданына қарасты Шағалалы ауылында жеті жасар бала үйінді астында қалып, мерт болған,

деп хабарлайды ҚазАқпарат тілшісі.

Қайғылы оқиға ауыл ішінде жылдар бойы қаңырап тұрған нысанды бұзу кезінде орын алған. Ересектер қауіпсіздік шараларын сақтамай, төңіректеп жүрген балғындарға назар аудармаған көрінеді. 2003 жылғы балғын ескі құрылыс үйіндісі астында қалып, көз жұмған. Қазір бұл оқиға бойынша сараптама жасалып, тергеу амалдары жалғастырылуда.

Жалпы өңірде жыл басынан бері ересектердің қарауынсыз қалған үш сәби, өмірден озған. Оның екеуін ит қауып алған болатын.