«Шалқар-Ырғыз» трассасында 3 адам мерт болып, үш жасөспірім ауруханаға түсті

АҚТӨБЕ. ҚазАқпарат - Ақтөбе облысында жол апатынан 3 адам мерт болды, үш жасөспірім зардап шекті, деп хабарлайды ҚазАқпарат.

Тамыздың 23-інен 24-іне қараған түні шамамен сағат 00:50-де «Шалқар – Ырғыз» автожолының 91-шақырымында Toyota Estima автокөлігінің 26 жастағы жүргізушісі рульге ие бола алмай қалып, аударылған.

Жол-көлік оқиғасы салдарынан 3 адам қаза болды. Сонымен қатар 3 жасөспірім Шалқар қаласының орталық ауруханасына жатқызылды.

Полиция департаменті жол қозғалысына қатысушылардан сақ болуды және жол қозғалысы ережелерін қатаң сақтауды сұрайды!», - делінген полиция мәліметінде.