Шанхайда қазақстандық студенттердің спартакиадасы өтті
13 қарашада болған спартакиадаға Шанхайдың алты жоғары оқу орнынан 10 студенттік команда қатысып, 60 және 100 метрге жүгіруден, командалық эстафетадан, армрестлингіден, арқан тартудан, қаппен секіруден және басқа да спорт түрлерінен сайысқа түсті.
«Азия және Океания халықаралық бағдарламалар орталығы» АҚ өкілі Қайыржан Ермановтың айтуынша, спартакиада мәдени-бұқаралық және спорттық іш-шаралар ауқымында өткізілді және ол Қазақстан Тәуелсіздігінің 20 жылдығына арналды.
Спартакиаданы ұйымдастыруға және өткізуге Шанхай қаласындағы Kazakh connection жастар студенттік ұйымының мүшелері белсене атсалысты.
Спартиакиада нәтижесі бойынша жеңімпазкомандалар грамоталармен және медальдармен марапатталды. Бірінші орынды «Тонджи» университетінің қазақстандық студенттері командасы жеңіп алды, екінші орында - Шығыс Қытай ғылым және технологиялар университеті, үшінші орында - Шанхай шетел тілдері университетінің студенттері.