Шерзат ісі: судья прокуратураға қосымша тексеру ұсынды

ТАЛДЫҚОРҒАН.KAZINFORM – Шерзат Полаттың қазасына байланысты істі қараған судья Ержан Жанұзақов оқиға орнында болған екі әйел Эльмира Нұрбекова мен Дана Жақсыгелдіге қатысты жеке қаулы шығарды.

– Рузбакиев, Қазекенов, Нұрбекова, Жақсыгелдіге қатысты тексеру жүргізу қажеттілігі туралы Алматы облысы прокурорының назары аударылсын. Жекеше қаулыны қарау, қолданылған шаралардың нәтижесі туралы Алматы облысы қылмыстық істер жөніндегі мамандандырылған ауданаралық сотына 1 айдан кешіктірмей хабарлансын, – делінген судья Жанұзақов шығарған қаулыда.

Бұған дейін, прокурор куәгер қыздардың іс-әрекетін қайта тексеруді сұрағанын жазғанбыз.