Шет елден 1 млн тонна ет алатын Қытай мен Ресей нарығы Қазақстан шаруалары үшін үлкен мүмкіндік - ҚР АШМ (ФОТО)

None
None
АСТАНА. ҚазАқпарат - Қытай мен Ресей өзге мемлекеттерден 1 млн. тонна ет импорттайды. Бұл нарықты қазақстандық ет өндірушілер алмастыруы тиіс. Бұл туралы бүгін KazMeatAstana-2016 атты халықаралық форумда ҚР Ауыл шаруашылығы вице-министрі Гүлмира Исаева мәлім етті.

«Отандық өндірушілер алғаш рет жақын көршілерге ет тасымалдай бастады. Былтыр қазақстандық кәсіпкерлер 16 мың тонна ет пен ет өнімдерін Ресейге жөнелтті. Бірақ ол аз, мәселен, Ресей мен Қытай өзге елдерден 1 миллион тонна етті шетелден сатып алады. Бұл біз үшін үлкен мүмкіндік, осы нарықты біздің ет өндірушілер басуы керек», - деп атап өтті ол.
Оның сөзі бойынша, қазіргі уақытта Қытай азық-түлік қауіпсіздігінің жаңа стандарттарын енгізуде. Осыған байланысты, Қытайда органикалық азық-түлікке деген сұраныс еселеп артпақ.
«Қазақстанда мал жайылымы табиғи тұрғыда іске асады. Мал басы да жетерлік деңгейде көбейтілуде, инфрақұрылымдар дамытылуда», - дейді вице-министр.
Айта кетейік, Астанадағы «КazMeatAstana-2016» халықаралық форумына 14 елден 300-ге тарта қатысушы келген. Олардың ішінде Қытай, Канада, Италия, Жаңа Зеландия, Түркия елдерінің өкілдері бар.
null null null null null null null null null

Соңғы жаңалықтар
telegram