Шетелдік жұмыс күшін тарту квотасы жыл сайын қысқартылады — Светлана Жақыпова

АСТАНА. KAZINFORM — Шетелдік жұмыс күшін тартуға арналған квота жыл сайын қысқартылады. Бұл туралы Еңбек және халықты әлеуметтік қорғау министрлігінің кеңейтілген алқа мәжілісінде ведомство басшысы Светлана Жақыпова айтты.

Министрдің айтуынша, ішкі еңбек нарығын қорғау мақсатында жыл сайын шетелдік жұмыс күшін тартуға арналған квота қысқартылып отырады. Сонымен қатар қазақстандық жұмыскерлердің тәлімгерлігін ұйымдастыру қағидалары және шетелдік жұмыс күшін тартатын жұмыс берушілерге қойылатын талаптар бекітілді. Арнайы экономикалық аймақ қатысушылары үшін кадрлардағы жергілікті қамту бойынша жағдайларды қамтамасыз ету тетігі іске қосылды.

— Көші-қон саласында цифрлық шешімдерді белсенді енгізу шетелдік жұмыс күшін заңдастыруға мүмкіндік берді. Өткен жылы мемлекеттік еңбек инспекторлар көмегімен 8 мыңнан астам шетелдік өздерінің еңбек шарттарын тіркеп, Қазақстанда болуды заңдастырды, — деп ведомство басшысы.

Светлана Жақыпованың атап өтуінше, шетелге жұмысқа баратын азаматтардың құқықтарын қорғау үшін Қатар және Ұлыбританиямен үкіметаралық құжаттарға қол қойылды. Корея Республикасымен келісім жасасу мәселесі пысықталып жатыр. Мұнан бөлек, Алматы, Түркістан және Шығыс Қазақстан облыстарында кәсіптік және тілдік даярлау орталықтары ашылды.

Бұған дейін 5 жылда жұмыс күші тапшы өңірлерден 103 мың адам көшіп кеткенін жазған едік.