«Шеврон» компаниясы Атырауда құбыр өнімдерін шығаратын екі зауыт салуды жоспарлап отыр

АТЫРАУ. Наурыздың 5-і. ҚазАқпарат /Андрей Соколов/ – «Шеврон» компаниясы Атырауда құбыр өнімдерін шығаратын екі зауыт салуды жоспарлап отыр. Бұл жөнінде бүгін Атырау облысында жұмыс сапарымен жүрген ҚР Премьер-Министрінің бірінші орынбасары Өмірзақ Шөкеевке Атырау «Шеврон МұнайГазИнк» полиэтилен құбырларын шығаратын зауыттың бас менеджері Меңдіғали Сапбаев айтты,

деп хабарлайды ҚазАқпарат тілшісі.М.Сапбаевтың айтуынша, қазіргі уақытта сумен және жылумен жабдықтауға арналған металл-пластикалық құбырларды шығаратын зауыттың жобасы әзірленуде. Осы жобаның инвестициясы 14 миллион долларды құрайды. Зауыттың қуаттылығы ? жылына 3 мың тонна құбыр. Жобалау жұмыстары әзірленіп жатқан тағы бір зауытта құбыр арматуралары шығарылатын болады. Жобаның құны ? 40 миллионға жуық АҚШ доллары. Қуаттылығы ? жылына 39 мың дана бұйым.