Шиеліліктерді қандай мәселелер толғандырады: Сенатор Руслан Рүстемов тұрғындармен кездесті

АСТАНА. ҚазАқпарат - ҚР Парламенті Сенатының депутаты Руслан Рүстемов Қызылорда облысының Шиелі ауданындағы Телікөл ауылының тұрғындарымен кездесті, деп хабарлайды ҚазАқпарат ҚР Парламенті Сенатының баспасөз қызметіне сілтеме жасап.

Депутат жүздесу кезінде Парламенттегі заң шығару жұмысы туралы кездесуге қатысушыларға айтып берді. Сонымен қатар өңірге газ жеткізудегі өзекті мәселелерді, сондай-ақ жайылымдық жерлердің жай-күйін талқылады.

Сенатор бұл мәселе жақын арада қабылданатын жаңа заң жобасы аясында шешілетінін атап өтті.

Руслан Рүстемов сонымен қатар Байсын елді мекеніндегі спорт кешені мен 4 тұрғын үй және орта мектептің құрылысының барысымен танысты.