10:25, 26 Қазан 2024 | GMT +5
«Шығын – 2 млрд теңге»: «Хоргоста» 991 дана киік мүйізі заңсыз тасымалданғаны анықталды
АСТАНА. KAZINFORM – «Хоргос» халықаралық шекаралық ынтымақтастық орталығында ҰҚК ШҚ Жетісу облысы бойынша департаменті ҰҚК және полицияның өңірлік бөлімшелерімен бірлесіп елден 991 дана киік мүйізін әкету әрекетінің алдын алды.
Облыстық орман шаруашылығы және жануарлар дүниесі инспекциясының мәліметінше, қылмыстық әрекеттен мемлекетке келтірілген шығын 2 млрд теңгеден асады.
«Материалдар тиісті шаралар қабылдануы үшін полиция органдарына берілді», - делінген ҰҚК хабарламасында.
Атырауда 24 жастағы жүргізушінің көлігінен 71 киік мүйізі тәркіленгенін жазған болатынбыз.
Мәжіліс депутаты киік мүйізіне қатысты сотталғандардың мәселесін көтерді.
