Шығыс Қазақстан облысының бас экологы пара алу үстінде ұсталды

АСТАНА. KAZINFORM – Желіде Шығыс Қазақстан облысы бойынша экология департаменті басшысының м.а. Мамай Бутабаевтың пара алу үстінде ұсталуы туралы ақпарат тарады. Сыбайлас жемқорлыққа қарсы іс-қимыл агенттігі бұл ақпаратты растады.

«Сыбайлас жемқорлыққа қарсы қызмет Шығыс Қазақстан облысы бойынша Экология департаменті басшысының міндетін уақытша атқарушының сотқа дейінгі тергеу аясында уақытша қамауға алынғанын растайды. Тергеу амалдары жалғасып жатыр. Қосымша ақпаратты кейін береміз», - деп атап өтті ҚР Сыбайлас жемқорлыққа қарсы іс-қимыл агенттігі.