«Шымбұлақ» тау-шаңғы курортына былтыр 1,5 миллион қонақ келген

АСТАНА. KAZINFORM —  2024 жылы «Шымбұлақ» тау-шаңғы курорты 1,5 млн қонақ қабылдады. Бұл туралы ҚР Туризм және спорт министрлігі мәлім етті.

– Бұл – отандық және шетелдік туристердің жалпы саны. Тау-шаңғы курортына жазғы және қысқы маусымда шамамен бірдей туристер келген. Яғни, жазғы маусымда – 700 мың, қысқы кезеңде 800 мың адам «Шымбұлаққа» барған. Туристер санының жылдық өсімі 24%-ды құрады, – деп хабарлады ведомстводан. 

Алматыда орналасқан «Шымбұлақ» тау-шаңғы курорты ел тұрғындары арасында да, шетелдік меймандар арасында да кеңінен танымал бола бастады. Мұнда көбінесе Ресей, Қытай, Үндістан, Оңтүстік Корея және Таяу Шығыс елдерінен туристер келеді.

Бұған дейін хабарланғандай, Шымбұлақта шаңғы тебу 20 мың теңгеге дейін қымбаттаған.