Шымбұлаққа барар жол бойындағы тау беткейлері нығайтылады

АЛМАТЫ. KAZINFORM – Алматыда биыл көктемде Шымбұлаққа барар жол бойындағы тау беткейлері нығайтылатын болады. Бұл туралы Ерболат Досаев Медеу ауданы тұрғындарымен кездесу барысында айтты.

«Өткен жылдың қазан айынан бастап «Мохнатка» және «Горельник» тау беткейлерінен 80 мың шаршы метрге жуық тас шығарылды және 17,6 мың текше метр үйінділерден тазартылды», – деді Ерболат Досаев.

Сонымен қатар, қала әкімі 2024 жылдың көктемінде Шымбұлаққа барар жолда тау беткейлерін нығайту жұмыстары басталатынын жеткізді. Сондай-ақ, нөсер жүйесін салу және жол төсемін жөндеу жұмыстары осы жылдың күзінде аяқталады.

«Алматыдағы «Медеу-Шымбұлақ» жолында құлаған тастарды алып тастау жұмыстары 2023 жылдың күзінен бері жалғасуда »,- деді ол.

Еске салайық, былтыр сәуір айында Медеуден Шымбұлаққа баратын жолда 20 текше метр тас құлаған болатын.