Шымкент сыра зауытының жаңа иесі — Тұрсын Алагөзов

АСТАНА. KAZINFORM — Бизнес-сәйкестендіру нөмірлерінің ұлттық тізіліміндегі мәліметке сенсек, 13 мамырда Тұрсынғали Алагөзов Шымкент сыра зауытының жаңа құрылтайшысы атанған.  Бұл туралы Shishkin_like Telegram арнасы жазды.

 

Фото: egov анықтамасынан скрин

Зауыт әр жылдарда Тимур Жаңабаевқа, «АТФ Банк» АҚ-на және Тоқтар Төлешовке тиесілі болды.

2016 жылы Тоқтар Төлешовтың мүлкі тәркіленіп, 21 жылға бас бостандығынан айырылған болатын.

«Сыра королінен» мемлекет пайдасына 1 млрд 215 млн теңге өндірілді. 

Бұған дейін Гүлмира Сатыбалдыға қатысты сот процесінде жәбірленуші тарап ретінде Тұрсынғали Алагөзов түсінік берген еді.