14:31, 22 Ақпан 2024 | GMT +5
Шымкентте алимент төлеуден жалтарғандардың автокөліктері айыптұраққа қойылды
ШЫМКЕНТ. KAZINFORM - Баласының алдындағы берешегі барларды «Қорғау» жүйесі анықтап жатыр.
Үш көлік иесі ұзақ уақыт бойы балаларына тиеселі қаражатты төлемей келген. «Ravon» және «Toyota» жүргізушілерінің алимент бойынша берешегі әрқайсысында 2 миллион теңгені, ал «Daewoo» тізгіндеушісінің берешегі – 1 млн 300 мың теңгені құраған. Бейнебақылау инспекторлары құқықбұзушыларды ұстауға патрульдік полиция экипаждарын бағыттады.
«Борышкерлерге міндетті төлем туралы ескертілді. Алимент төлеуден жалтарған тұрғындардың көліктері айыппұл тұрағына қойылды», - деді Шымкент қаласы полиция департаментінің жедел басқару орталығының бастығы Асқар Алипбаев.
