Шымкентте курьерден 1 килограмм есірткі табылды
ШЫМКЕНТ. KAZINFORM – Есірткі қылмысына қарсы іс-қимыл бөліністерінің қызметкерлері есірткінің заңсыз айналымына қатысы бар бірқатар қылмыстың жолын кесті.
Ішкі істер министрлігі «Заң мен Тәртіп» қағидатын жүзеге асырып жатыр.
— Шымкент қаласында 25 жастағы азамат ұсталды. Одан есірткі және синтетикалық есірткілерді өткізуге арналған заттар тәркіленді. Оның айтуынша, ол есірткі таратумен айналысып, интернет-есірткі дүкені үшін ораушы әрі курьер қызметін атқарған. Тәркіленген есірткінің жалпы салмағы бір килограмға жуық. Күдікті ұсталып, уақытша ұстау изоляторына қамалды, — деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.
Айта кетелік Қызылорда облысында ірі көлемде есірткі сақтау және тарату фактілері анықталған еді.
