Шымкентте ойын клубын тонаған ер адамның әрекеті видеоға түсіп қалды
28 жастағы шымкенттік тұрғын ойын клубына ұтылған ақшасын тонау арқылы қайтармақ болды, деп хабарлайды Kazinform.
Күдікті мекеме қызметкерін пышақпен қорқытып, сейфтегі 4 миллион теңгені алып кеткен. Ер адамның әрекеті сол жердегі бейнебақылау камерасына түсіп қалған. Әл-Фараби аудандық полиция басқармасының жедел уәкілдері күдіктіні қала аумағында қолға түсірді.
«Аталған жайт бойынша ҚР ҚК 192 бабымен тергеу жүріп жатыр. Бұған дейін ер адам 3 миллион 800 мың теңгесін ұтылып қалған. Содан материалдық шығынның орнын қарақшылықпен толықтырмақ болған. Қазір 28 жастағы жергілікті тұрғын уақытша ұстау изоляторына қамалды» - делінген Шымкент қаласы полиция департаментінің баспасөз қызметі таратқан ақпаратта.
Посмотреть эту публикацию в Instagram
